OUR WHAREKURA

 

 

 

 

 

 

 

HĀKINAKINA/NGĀ MAHI A RĒHIA

 

 

 

 

 

 

OUR PEOPLE

 

 

 

 

 

 

 

Home » Our Kura

WHO WE ARE

Ko Matua Heywood Kuka te tumuaki, 28 ngā kaiako. I tenei wā tonu e 250 ngā tauira, kei te tipu tonu.

Our kura is led by Matua Heywood Kuka, and supported by 28 teachers. We currently have a roll of 250 tauira and are growing every year.

He Mihi

Kia mārama taku titiro ki Tauranga, e ko Ranginui, ko Te Rangihouhiri, ko Pūkenga.
Ngā Pāpaka o Rangataua, he paruparu te kai, he taniwha ngā tangata.
Piki ake au i te Ahikoura, noho ana ki Taumata, ki te Rī o Tamarāwaho.
Pāpaku te moana i te nui o āna kupu.
Tihei mauriora.

Tērā ko ngā purapura whetū kua ngaro atu nei, ānō he auahituroa e haehae i te rangi.
Ko tātou te hunga ora e hotuhotu nei, ka noho hei urupā mō te hunga kua riro tītapu.

Tū tonu te Kīngi Māori hei pou herenga waka herenga tāngata.
Tū tonu te Kīngitanga hei korowai manaaki i te iwi Māori.
Tū tonu te Whare Kahui Ariki, rire, rire, hau. Pai marire.

Tēnā koutou kei ngā whānau, koutou e whakapono ana ki te mātauranga Māori.
Ko tāku e whakataki nei i tēnei wahanga o te whārangi, he whāriki i te kupu kia tōia mai te hunga
e hiahia ana ki te whai i tēnei ara mātauranga.

Ko tāku noaiho ki a koutou, ahakoa he kura papaku, ka taea.
Ahakoa he kura kōrero Māori, ka taea.
He kura ā-iwi kua tāraia ki te taera e hiahiatia ana e ngā tamariki, e ngā whānau, ka taea tonutia!

Tuia ngā mana,
Tuia ngā ihi,
Tuia ko te mātauranga Māori ki te hiringa i te mahara.

Matua Heywood Kuka
TUMUAKI | PRINCIPAL

HE WHAKAKITENGA  – OUR VISION

Ko te whakakitenga kia whakarite i ngā rangatahi kia tū hei manukura mō ngā tau e heke nei. Ka āwhina ia rātou kia tū rangatira i te ao.

Our vision is to prepare rangatahi to be our future leaders. We arm them with the values and knowledge they need to be successful in all aspects of their lives.

 

HE ARONGA – OUR APPROACH

Ka whakapono ngā kaiako o Te Wharekura o Mauao ki ngā mātāpono e rua nei, Te Reo Māori me te kounga o te whakaako kia tae rā anō ngā tauira ki te tihi o angitu. He kairangi tonu te wāhi ki te tohu mātauranga, mātua ko ngā rarauga ā motu mō ngā tauira Māori o te motu, kei tawhiti tonu ngā raraunga a Te Wharekura o Mauao.

Te Wharekura o Mauao teachers are committed to Te Reo Māori and are passionate about ensuring our tauira receive the highest standard of education. Our academic performance is strong and tracks higher than the national average for Māori students across Aotearoa.

He anga marautanga whakawhanake te aronga ki Te Wharekura o Mauao, ko te auaha, ko te mahi kia pārekareka tōna hanga. He ahurea haumaru te whakaaronui kia toro atu ki te ngākau tauira kia whai i te mātauranga mana motuhake me te hiahia nui kia angitu.

Te Wharekura o Mauao has a progressive education framework, with programmes that are innovative, engaging and creative. We offer a nurturing learning environment that encourages independent thinking and aspiration to succeed.

He whanau kotahi te kura nei, mai ngā tauira ki ngā kaiako, e mohio ana rātou he hononga tā rātou ki a rātou ano, hoki ka whakatairanga i ngā hononga ā iwi, kia ea ai te Mana Moanatanga o Tauranga, kia ea hoki ngā tikanga tuku iho a rātou mā.

All our tauira are contributing members of our school whānau and we foster collaborative relationships with whānau, hapū, iwi and hāpori whānui. This ensures we enhance the sustainability of Tauranga Moana Reo and enrich our rangatahi with traditional practices and values.

Address: 1 Westmorland Rise, Bethlehem 3110

Email: admin@mauao.school.nz

Phone: +64 7 579 3060

© 2019 Te Wharekura o Mauao

FOLLOW US ON FACEBOOK


FOLLOW US ON FACEBOOK